الرئيسيةالتسجيلدخول

شاطر | 
 

 نصيحة لكل بنت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ubeauty

avatar

المساهمات : 3
تاريخ التسجيل : 10/03/2009

مُساهمةموضوع: نصيحة لكل بنت   الأربعاء 11 مارس 2009, 1:15 am

واولا :البنت الرقيقة يعني باختصار رفعوا صوتكم يا بنات واول ما تشوفوا حاجة وحشة سورقي علطول من كتر الرقة وعيطي له.... العياط دليل على الاحساس المرهف نكدي عليه الليلة من الاخر.


ثانيا: الولد بيحب البنت الرومانسيةسبلى له اسرحى كتير كلميه عن القمر و حاجات من دى .قوليله شايف القمر يا عتريس لازم تكونى هيمانه و انتى بتتكلمى . و يكون صوتك واطى .. وشوشية يعني.


ثالثا : الولد بيحب البنت المؤدبه قولى له انه اول واحد فى حياتك حتى لو كنتى متجوزة قبل كده و حامل فى توأم و لو سأل على انتفاخ بطنك قولى له كيس دهنى و لو عارف و متأكد انه كان لك علاقات كثيرة مثله دى كلها اشاعات ده هما اللى كانوا معجبين بيا لكن انا ولا سألت فيهم كلهم .


رابعا : الولد بيحب البنت الاستايل كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك دى بتغير منك و مش عايزاكى تبقى على الموضه

ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .


خامسا : الولد بيحب البنت الدلوعة ادلعى ياختى انت و هى . ما تبقوش دكر .


سادسا : الولد بيحب البنت الجذابه اللى بتكون محور اهتمام الآخرين فهميه ان في آخرين كتير معجبين بيكى و قولى له : ارجوك اوعى تغير انا حواليا كتير ولا بيهمنى أبدا منهم ايه يعنى اكون حلوة فى عينهم ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .


سابعا : الولد بيحب البنت اللى بتحسسه برجولته و تحسسه بنفسه ايه ده ! .. ايه العضلات دى كلها .. دى احلى عضلات شفتها فى حياتى يا سلام !! ايه الشياكة دى كلها . انت أشيك ولد شفته فى حياتى "مش مهم هو لابس ايه . انبهرى و خلاص" يا سلام !! انت تقاطيع وشك حلوه بشكل " حتى لو كانت ملخبطه" و طول مانتى قاعده اشكرى فيه خليه كده قاعد نافش ريشه . و فرحان بنفسه .


ثامنا : اتمحكى فيه "الزقي له" خليكى دايما معاه كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الشغل اكبسى عليه مع السكرتيره .


تاسعا : عددى مواهبك اكلك لازم مظبوط قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق .


لو كل الطرق اللى فاتت مجبتش نتيجة يبقى لازم تكونى بنت ملتزمة ومتدينة وبتراعي ربنا لان الولد يصاحب كتير ويتشاقى كتير لكن لما يحب بجد حب طاهر وعفيف يبقى هيختار بنت متدينة بجد وعن اقتناع..فاهمين يا بنات ولا اقول تاني؟

--------------------------------------------------------------------------------

الرجوع الى أعلى الصفحة اذهب الى الأسفل
dodo



المساهمات : 9
تاريخ التسجيل : 01/05/2009
العمر : 27

مُساهمةموضوع: رد: نصيحة لكل بنت   الجمعة 22 مايو 2009, 11:01 am

lol! طيب ليه كدا مانلتزم من الاول وخلاص
الموضوع جميل جدا
الرجوع الى أعلى الصفحة اذهب الى الأسفل
 
نصيحة لكل بنت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ****(((الحــــب والرومانسيــــة))))**** :: ***•¦[كــــــــــــــــــــ فى الحب ـــــــــــــــلام]¦•***-
انتقل الى: